Բանավեճի խմբի հունվարի 29-ի հանդիպումը նվիրված էր Հայոց բանակի 23-ամյա տարելիցին: Այն սկսվեց «Հայկական բանակ» քայլերգով, որը պատրաստել էին խմբի 7 անդամներ երաժշտության մանկավարժի հետ համատեղ: Հակիրճ ներկայացվեց մեր բանակի ստեղծման և հաղթական ուղու պատմությունը: Բանավեճի մասնակիցները խաղացին «Հետախույզներ» խաղը և կիսվեցին իրենց տպավորություններով ու մտքերով: Իսկ գլուխկոտրուկների միջոցով երեխաներն ստացան հայկական պետական խորհրդանիշերն ու ներկայացրին դրանք: Հանդիպման վերջում ցուցադրվեց փոքրիկ տեսանյութ «ՀՀ ԱԶԳԱՅԻՆ ՀԵՐՈՍՆԵՐԸ» թեմայով: